Монгол цэрэг энхийг дэмжих ажиллагаанд оролцож эхэлсний 20 жилийн ойн цэргийн ёслолын жагсаал 2022 оны 05 дугаар сарын 29-ний өдөр Улаанбаатар хотын жанжин Д.Сүхбаатарын талбайд боллоо. Цэргийн ёслолын ажиллагаанд Цэргийн гавъяаны улаан тугын одонт Төрийн тусгай хамгаалалтын газрын бие бүрэлдэхүүний жагсаал оролцож нийт энхийг сахиулагчдаа хүндэтгэл үзүүлэв. Тус парад нь шинэ үеийн Төрийн тусгай хамгаалалтын байгууллага үүсч хөгжсөний түүхт 84 жилийн ойн баярын өдөр болж байгаа нь Байгууллагын бие бүрэлдэхүүнд онцлог байв.